پاکستانی شوبز انڈسٹری کی سینئر اداکارہ Atiqa Odho نے انکشاف کیا ہے کہ انہیں تیسری شادی کرنے کا مشورہ ان کے بیٹے نے دیا تھا، جبکہ ان کی والدہ اس فیصلے کے سخت خلاف تھیں۔
حال ہی میں ایک نجی ٹی وی پروگرام میں گفتگو کرتے ہوئے عتیقہ اوڈھو نے بتایا کہ ڈرامہ Kafeel کے کردار ’’سبک‘‘ میں انہیں اپنے بیٹے کی جھلک نظر آتی ہے کیونکہ انہوں نے اپنی زندگی میں بھی اسی طرح کا تجربہ کیا۔
اداکارہ نے بتایا کہ جب ان کی دوسری شادی ناکام ہو چکی تھی اور انہوں نے ابھی Samar Ali Khan سے شادی نہیں کی تھی، تو ان کے بیٹے بلال نے انہیں تیسری شادی کرنے کا مشورہ دیا۔
عتیقہ اوڈھو کے مطابق ان کی والدہ تیسری شادی کے حق میں نہیں تھیں اور اسے معاشرتی طور پر مناسب نہیں سمجھتی تھیں، تاہم ان کے بیٹے نے انہیں سمجھایا کہ وہ کئی برسوں سے اکیلی زندگی گزار رہی ہیں اور اب انہیں ایک ایسے شخص کے ساتھ زندگی گزارنے کا فیصلہ کر لینا چاہیے جو ان سے محبت کرتا ہے اور ان کا خیال رکھتا ہے۔
انہوں نے بتایا کہ ان کی بیٹیاں بھی اس فیصلے کے خلاف تھیں، لیکن ان کے بیٹے بلال نے انہیں حوصلہ دیا اور کہا کہ وہ باقی معاملات سنبھال لیں گے۔
اداکارہ نے مزید کہا کہ دو ناکام شادیوں کے بعد وہ ایک اور شادی کے فیصلے میں ہچکچاہٹ کا شکار تھیں، تاہم آخرکار انہوں نے بیٹے کے مشورے پر عمل کیا۔
واضح رہے کہ عتیقہ اوڈھو کی پہلی شادی کم عمری میں ہوئی تھی جو تقریباً 10 برس تک قائم رہی، جبکہ دوسری شادی بھی کامیاب نہ ہو سکی۔ بعد ازاں انہوں نے جون 2012 میں ڈاکٹر ثمر علی خان سے شادی کی، جو 2013 سے 2018 تک سندھ اسمبلی کے رکن بھی رہ چکے ہیں۔
