چینی وزارت خارجہ نے ایران اور امریکا کے درمیان بڑھتی ہوئی کشیدگی پر گہری تشویش کا اظہار کیا ہے۔
ترجمان چینی وزارت خارجہ کےمطابق امریکا اور ایران دونوں فریقین کو تحمل کا مظاہرہ کرنا چاہیے اور خطے میں صورتحال کو مزید خراب ہونے سے بچانا چاہیے۔
بیان میں کہا گیا ہےکہ امریکا، ایران اور اسرائیل اپنے اختلافات کو سفارتی طریقے سے حل کریں اور کسی بھی ایسے اقدام سے گریز کریں جس سے کشیدگی میں اضافہ ہو،تمام فریقین سے اپیل ہے کہ وہ خطے میں امن و استحکام کو ترجیح دیں۔
