کاروباری ہفتے کے دوسرے روز کاروبار کے آغاز پر ہی سٹاک ایکسچینج میں تیزی دیکھنے میں آئی، 700 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 71 ہزار 339 پوائنٹس کی سطح پر پہنچ گیا۔
ٹریڈنگ کے دوران سٹاک مارکیٹ میں کاروبار کا اُتار چڑھاؤ رہا تاہم کاروباری روز کے اختتام پر ہنڈرڈ انڈیکس 421 پوائنٹس اضافے کیساتھ ایک لاکھ 71 ہزار 21 پوائنٹس کی سطح پر بند ہوا۔
واضح رہے کہ گزشتہ کاروباری روز کے اختتام پر ہنڈرڈ انڈیکس 3362 پوائنٹس کی کمی کیساتھ ایک لاکھ 70 ہزار 600 پوائنٹس کی سطح پر بند ہوا تھا۔
دوسری جانب امریکا ایران بحران پر غیر یقینی صورتحال کے باعث ایشیائی سٹاک مارکیٹس دباؤ کا شکار ہیں۔
خبرایجنسی کے مطابق جنوبی کوریا کے کوسپی انڈیکس میں 2 فیصد سے زائد مندی دیکھنے میں آئی، جاپان کے نکی انڈیکس میں ڈیڑھ فیصد کی گراوٹ نظر آئی، جبکہ چین اور انڈونیشیا کی سٹاک مارکیٹس میں بھی معمولی مندی ریکارڈ کی گئی۔
اس کے علاوہ ہانگ کانک کے ہینگ سینگ انڈیکس میں 1.46 فیصد، جبکہ تھائی لینڈ سیٹ انڈیکس میں ایک فیصد کا اضافہ ریکارڈ کیا گیا۔
