امریکی صدر ڈونلڈ ٹرمپ نے ایک بار پھر امریکی میڈیا پر سخت تنقید کرتے ہوئے اسے ایران سے متعلق خبروں میں جانبدارانہ اور گمراہ کن رویہ اپنانے کا الزام دیا ہے۔
اپنی سوشل میڈیا پلیٹ فارم “ٹروتھ سوشل” پر جاری بیان میں ٹرمپ نے کہا کہ بعض امریکی ذرائع ابلاغ ایران کے حوالے سے ایسی رپورٹس شائع کرتے ہیں جو حقیقت کے برعکس ہوتی ہیں۔ ان کے مطابق اگر ایران ہتھیار ڈال دے، اپنی فوجی طاقت کے خاتمے کا اعتراف بھی کر لے تو بھی بعض میڈیا ادارے اسے ایران کی فتح کے طور پر پیش کریں گے۔
ٹرمپ نے کہا کہ اگر ایرانی فوج سفید جھنڈا لہرا کر شکست تسلیم بھی کر لے تب بھی امریکی میڈیا یہی دعویٰ کرے گا کہ ایران کامیاب ہوا۔ انہوں نے مزید کہا کہ بعض میڈیا ادارے اور ڈیموکریٹس “اپنا راستہ کھو چکے ہیں” اور مسلسل گمراہ کن بیانیہ پھیلا رہے ہیں۔
امریکی صدر کے مطابق یہ رویہ “فیک نیوز میڈیا” کی واضح مثال ہے، جو کسی بھی صورتحال میں حقائق کو توڑ مروڑ کر پیش کرتا ہے۔ انہوں نے کہا کہ ان کے مطابق یہ میڈیا ادارے اس حد تک چلے گئے ہیں کہ وہ کسی بھی نتیجے کو ایران کی کامیابی کے طور پر دکھانے کی کوشش کریں گے۔
