ایڈیشنل آئی جی کراچی آزاد خان کا کہنا ہے کہ ڈرگ ڈیلر انمول پنکی کا نیٹ ورک وسیع ہے۔ کچھ افریقی باشندے ہیں جو لاہور میں ہیں۔ پنکی کا برانڈ اُس کے لیے پھندا بنے گا۔
کراچی میں پریس کانفرنس کے دوران آزاد خان نے کہا کہ منشیات سپلائی میں رائیڈرز اور خواتین بھی ملوث ہیں۔ انمول پنکی کے فون کا فرانزک کرایا ۔ 869 نمبر ملے ۔ 132 کراچی کے ہیں ۔ 4 افراد کے نام ای سی ایل میں ڈالے جارہے ہیں۔
ان کا کہنا تھا کہ انمول پنکی کے خلاف سندھ میں 20 کیسز درج اور 9 مقدمات میں گرفتاری ڈال دی۔ پیشی کے دوران ایس او پیز کی خلاف ورزی پر 3 اہلکاروں کو معطل کیا ۔ ملزمہ کے ساتھیوں کی لوکیشن ٹریس کی جارہی ہے۔ مختلف اداروں سےرابطے میں ہیں۔ پنکی کا برانڈ اُس کے لیے پھندا بنے گا۔
دوسری جانب کراچی پولیس نے انمول عرف پنکی کی نشاندہی پرابوالحسن اصفہانی روڈ پر کارروائی کے دوران ملزمہ کے فلیٹ سے لاکھوں روپے مالیت کی کوکین برآمد کرلی۔ منشیات کی رقم وصول کرنے والے دو ملزمان بھی پکڑے گئے۔
