بھارتی اداکار دلیپ راج دل کا دورہ پڑنے کے باعث 47 برس کی عمر میں انتقال کرگئے۔
بھارتی میڈیا رپورٹس کے مطابق ریاست Karnataka کی انٹرٹینمنٹ انڈسٹری سے تعلق رکھنے والے اداکار کو آج صبح اچانک سینے میں تکلیف محسوس ہوئی، جس کے بعد انہیں فوری طور پر اسپتال منتقل کیا گیا۔
رپورٹس میں بتایا گیا ہے کہ دلیپ راج کو ان کی رہائش گاہ پر ہی دل کا دورہ پڑا تھا۔ طبی امداد کیلئے انہیں اسپتال لے جایا گیا تاہم وہ دورانِ علاج جانبر نہ ہوسکے۔
اداکار کے انتقال کی خبر سامنے آنے کے بعد شوبز انڈسٹری اور مداحوں کی جانب سے افسوس کا اظہار کیا جا رہا ہے۔
Dileep Raj نے فلم اور ٹی وی دونوں شعبوں میں نمایاں کام کیا۔ ان کی مشہور فلموں میں Melana، U Turn اور Orchestra Mysuru شامل ہیں۔
انہوں نے مختلف ڈراموں اور ٹی وی پروگرامز میں بھی اپنی اداکاری سے ناظرین کے دل جیتے اور جنوبی بھارتی شوبز انڈسٹری میں ایک نمایاں مقام حاصل کیا۔
