امریکن آئیڈل کے سیزن 24 کے شاندار فائنل میں 25 سالہ Hannah Harper نے ٹائٹل اپنے نام کر لیا۔ تین گھنٹے طویل گرینڈ فائنل منعقد ہوا جس میں ہانا ہارپر نے اپنی غیر معمولی پرفارمنس سے ناظرین اور ججز کو متاثر کرتے ہوئے کامیابی حاصل کی۔
فائنل مقابلے میں ہانا ہارپر کا سامنا دیگر دو مضبوط امیدواروں Jordan McClow اور Kayla Richardson سے تھا، تاہم عوامی ووٹنگ اور شاندار گلوکاری کے باعث ہانا فاتح قرار پائیں۔
مشہور میزبان Ryan Seacrest کی جانب سے فاتح کے اعلان کے بعد ہانا ہارپر جذباتی ہو گئیں۔ اس موقع پر انہوں نے کہا کہ یہ لمحہ ان کے لیے ناقابلِ یقین ہے اور انہیں ایسا محسوس ہو رہا ہے جیسے وہ کوئی خواب دیکھ رہی ہوں۔
تین بچوں کی ماں ہانا ہارپر نے اپنی کامیابی کو زندگی کا یادگار ترین لمحہ قرار دیتے ہوئے کہا کہ “امریکن آئیڈل” کا پورا سفر ان کے لیے سیکھنے، محنت اور خود اعتمادی بڑھانے کا ایک بہترین تجربہ رہا۔
