اسلام آباد ہائیکورٹ نے بشریٰ بی بی تک ذاتی معالج کی رسائی اور فیملی ملاقات سے متعلق درخواست پرسپرنٹنڈنٹ اڈیالہ جیل کو دو روزمیں فیصلہ کرنےکا حکم دیتے ہوئے ذاتی حیثیت میں چھ مئی کو طلب کرلیا ہے۔
عدالت عالیہ کےجسٹس ارباب محمد طاہر نےبشری بی بی کی بیٹی مبشرہ کی درخواست پر سماعت کی ،عدالت نےدرخواستگزارسے پوچھا کیا آپ نے اڈیالہ جیل حکام کودرخواست دی ہے؟ درخواستگزار کے وکیل سلمان اکرم راجا نےاڈیالہ جیل حکام کودی جانےوالی درخواست کی کاپی پیش کردی،کہا ہم نے کوریئر کے ذریعے اور خود جا کر بھی جیل میں درخواست دی ہے۔
مزید کہا 16 اور 17 اپریل کی درمیانی رات بشریٰ بی بی کی سرجری ہوئی،جسٹس ارباب محمد طاہر نے ریمارکس دیئے ہمیں پتہ ہے،سب سوشل میڈیا پر بھی موجود ہے,ہم آپ کی درخواست اسی لئے جیل حکام کو بھیج رہے ہیں تاکہ وہ فیصلہ کریں۔
عدالت کی اسٹیٹ کونسل کو ہدایت کی کہ آئندہ سماعت سے پہلے ان کی درخواست کا فیصلہ کیا جائے, سپرنٹنڈنٹ اڈیالہ جیل دو روز میں فیصلہ کریں،کیس کی مزید سماعت چھ مئی کو ہوگی۔
