خیبرپختونخوا میں پولیو کے 2 نئے کیس سامنے آ گئے

نیشنل ایمرجنسی آپریشن سنٹر کے مطابق ملک بھرمیں رواں سال پولیو کیسز کی تعداد 3 ہوگئی، ضلع بنوں اور شمالی وزیرستان سے پولیو کے دو نئے کیسزکی تصدیق ہوئی ہے۔

این ای او سی نے بتایا کہ پولیو کے خاتمے کے لئے ٹارگٹڈ اقدامات اور مؤثرحکمتِ عملی پرعمل جاری ہے، پولیو لا علاج مرض ہے، مگر بروقت ویکسینیشن کے ذریعے اِس سے بچاؤ ممکن ہے۔

حکام کا کہنا ہے کہ پولیو سے تحفظ کے لئے ہر مہم کے دوران بچوں کو قطرے پلانا ناگزیر ہے۔