اسلام آباد: امریکہ اور ایران تنازعے کے حل کی کوششیں بارآور ہونے کی قومی امید، اس حوالے سے جاری بیک ڈور مذاکرات مثبت اور ٹھوس پیش رفت کی اطلاعات،
آرمی چیف اور چیف آف ڈیفنس سٹاف فیلڈ مارشل سید عاصم منیر کے عنقریب دورہ ایران کی اطلاعات،
ذرائع کے مطابق مصالحت کاروں کی ایران کی سیاسی اور عسکری قیادت کے ساتھ بات چیت کا عمل جاری ہے اور معاہدے کے متن کو حتمی شکل دینے کے حوالے سے مثبت پیش رفت کی اطلاعات سامنے آ رہی ہیں،
امریکی نائب صدر جے ڈی وینس نے بھی امریکی میڈیا کے ساتھ گفتگو میں اس بات کو انکشاف کیا ہے کہ ایران کے ساتھ مذاکرات کا عمل آگے بڑھ رہا ہے،
انھوں نے مزید کہا کہ پاکستان کے اعلی عہدیدار جلد ایران پہنچ رہے ہیں جطکہ امریکی وزیر خارجہ مارکوروبیو کی جانب سے بھی اسی قسم کا بیان سامنے آیا ہے ، انھوں نے کہا کہ ایران کی جانب سے اچھے اشارے ہیں،
امریکی صدر ڈونلڈ ٹرمب بھی ایران کے ساتھ مذاکرات میں پیش رفت کا اعلان کر رہے ہیں ، تاہم ساتھ ہی ان کی جانب سے دھمکیون کا سلسلہ بھی جاری ہے،
امریکی صدر کا کہنا ہے کہ ایران کو ایٹمی صلاحیت کے حصول سے دستبرادر ہونا ہو گا ،ہم نہیں چاہتے کہ افزودہ یورنییم ایران میں رہے جبکہ ایران کو آبنائے ہرمز میں ٹول ٹیکس بھی لینے نہیں دیا جائے گا، امریکہ کا آبنائے ہرمز پر کنٹرول ہے ،
ادھر وزیر داخلہ محسن نقوی نے اپنے دورہ ایران کے دوران دیگر عہدیداروں کے علاوہ ایرانی وریز خارجہ عباس عراقچی سے بھی ملاقات کی،
ایرانی وزارت خارجہ کے ترجمان نے کہا کہ جوہری پروگرام اور یورینیم کے معاملے پر دعوے میڈیا کی قیاس آرائیاں ہیں،
