اسلام آباد میوزیم میں منعقدہ تقریب کے دوران 250 سے زیادہ نوادرات باضابط حوالے کردیے ، اِس موقع پر دونوں ملکوں کی جانب سے نوادرات کی غیر قانونی سمگلنگ سے نمٹنے اور ثقافتی ورثے کے تحفظ کیلئے مشترکہ عزم کا اعادہ کیا۔
واپس بھیجے گئے نوادرات کے مجموعے میں غیر قانونی طور پر لے جائی گئی اہم تاریخی اشیا بھی شامل ہیں ، نوادرات کو امریکی قانون نافذ کرنے والے اداروں اور پاکستانی حکام کے درمیان قریبی تعاون کے ذریعے برآمد کیا گیا تھا، یہ نمونے پاکستان میں محفوظ ہوں گے اور نمائش کے لئے رکھے جائیں گے۔
دوسری جانب معاون امریکی وزیر خارجہ برائے جنوبی اور وسطی ایشیائی امور ایس پال کپور کا کہنا تھا کہ نمونوں میں ٹیراکوٹا کے مجسمے بھی شامل ہیں جو چار ہزار سال سے زیادہ پرانے ہیں۔
برآمد ہونے والے نوادرات میں دوسری صدی عیسوی کا بدھا پاڈا کا ایک نایاب مجسمہ بھی شامل ہے، مجسمے کی مالیت گیارہ لاکھ ڈالر اور اسے 80 کی دہائی میں پاکستان سے چُرا کر نیویارک لے جایا گیا تھا۔
علاوہ ازیں دیگر نوادرات میں ایک گولڈ اسٹراٹو کا سکہ بھی شامل ہے جو واپس کیا گیا ہے۔
