اسلام آباد: امریکہ ، ایران جنگ کی آڑ میں پاکستان میں ن لیگ کی حکومت عوام پر پیٹرول بم گرانے میں مصروف ، ہفتہ وار نظر ثانی کی پالیسی کے تحت پیٹرولیم منصوعات کی قیمتوں میں ایک بار پھر بھاری اضافہ کر دیا،جبکہ پیٹرول اور ڈیزل پر لیوی کو بھی بڑھا دیا گیا،
اس حوالے سے جاری کردہ نوٹفکیشن کے مطابق پیٹرول کی قیمت میں 14 روپے 92 پیسے فی لیٹراور ہائی سپیڈ ڈیزل کی قیمت میں 15 روپے فی لیٹر اضافہ کر دیا گیا،
اضافے کے بعد پیٹرول کی نئی قیمت 414 روپے 78 پیسے اور ڈیزل کی نئی قیمت 414 روپئے 58 پیسے فی لیٹر ہو گئی،
پیٹرول اور ڈیزل پر لیوی میں اضافہ،
حکومت کی جانب سے پیٹرول اور ڈیزل کی لیوی میں بھی اضافہ کر دیا گیا ہے،
پیٹرول پر لیوی 13 روپے 91 پیسے فی لیٹر بڑھا دی گئی ، جس کے بعد پیٹرول پر لیوی 117 روپے 41 پیسے مقرر کی گئی ہے
مٹی کا تیل 41 روپے 80 پیسے سستا نئی قیمت 319 روپے 96 پیسے مقرر
ڈیزل پر لیوی میں 13 روپے 91 پیسے فی لیٹر کا اضافہ کیا گیا ہے ، جس کے بعد ڈیزل پر لیوی 42 روپے 60 پیسے فی لیٹر مقرر کر دی گئی ،
پیٹرولیم مصنوعات کی قیمتوں میں مزید اضافے سے عوام کی چیخین نکل گئی ہیں اور ان کے لیے با عزت زندگی گزارنا مشکل ہو گیا ہے،
