منیٰ میں لاکھوں حجاج کرام آج بڑے شیطان کو کنکریاں مارنے کی عبادت، رمی، ادا کر رہے ہیں۔
میڈیا رپورٹس کے مطابق حجاج کرام کو طے شدہ شیڈول کے تحت قافلوں کی صورت میں جمرات روانہ کیا جا رہا ہے تاکہ رش اور ازدحام سے بچتے ہوئے مناسکِ حج منظم انداز میں مکمل کیے جا سکیں۔
رمی کے بعد حجاج کرام سنتِ ابراہیمیؑ کی پیروی میں قربانی کریں گے، جبکہ اس کے بعد سر منڈوا کر یا بال کٹوا کر احرام کھول دیں گے۔
حجاج آج پورا دن منیٰ میں قیام کریں گے اور عبادات، ذکر و اذکار اور دعاؤں میں مشغول رہیں گے۔ 11 ذوالحجہ کو حجاج تینوں شیطانوں کو سات، سات کنکریاں ماریں گے۔
