سرکاری دستاویز کے مطابق وفاقی بجٹ میں زرعی شعبے کا ہدف 3.8 فیصد، صنعت کا ہدف 4.5 فیصد مقرر کیا جائے گا، آئندہ مالی سال مہنگائی کی شرح 8.2 فیصد تک رہے گی، بجٹ میں سرمایہ کاری کا ہدف جی ڈی پی کا 15 فیصد مقرر کیا جائے گا۔
آئندہ مالی سال کے لیے برآمدات کا ہدف 32.9 ارب ڈالر، خدمات کی برآمدات کا ہدف 11 ارب 30 کروڑ ڈالر، در آمدات 70 ارب ڈالر، ترسیلات زر ہدف 42 ارب 40 کروڑ ڈالر مقرر کیا جائے گا۔
بجٹ میں مہمند ڈیم ہائیڈرو پاور پراجیکٹ کیلئے 26 ارب روپے، داسو پاور کیلئے 21 ارب، کراچی بلک واٹر سپلائی کیلئے 10 ارب، دانش سکولز کیلئے 22 ارب مختص وزیراعظم ہیلتھ پروگرام کیلئے 3 ارب روپے مقرر کیے جائیں گے۔
ایم ایل ون ریلوے منصوبے کیلئے 25 ارب روپے مختص کرنے کی تجویز ہے جبکہ سندھ کوسٹل ہائی وے کیلئے 25 ارب مختص رکھنے کی سفارش کی گئی، مہران ہائی وے کیلئے 21 ارب روپے مختص کرنے کی تجویز دی گئی۔
آئندہ مالی سال آئی ٹی برآمدات کا ہدف 7 ارب 30 کروڑ ڈالر مقرر کیا جائے گا، آئی ٹی سیکٹر میں 7500 ملازمتوں کے مواقع پیدا کیے جائیں گے۔
