سیکیورٹی فورسز نے بلوچستان کی تحصیل خضدار میں خفیہ اطلاعات پر آپریشن کے دوران فنتہ الہندوستان کے 14 دہشتگردوں کو ہلاک کر دیا جبکہ متعدد زخمی ہوئے تاہم فائرنگ کے تبادلے میں لانس حوالدار محمد عباس شہید ہو گئے۔
آئی ایس پی آر کے مطابق سیکیورٹی فورسز نے فتنہ الہندوستان کے دہشتگردوں کیخلاف نال میں آپریشن کیا، دہشت گرد قریبی پولیس اسٹیشن اور بینکوں پر حملے کی منصوبہ بندی کر رہے تھے، سیکیورٹی فورسز نے بروقت کارروائی کرتے ہوئے مذموم عزائم ناکام بنا دیئے،آپریشن کے دوران دہشتگردوں کی نقل وحرکت کو مؤثر انداز میں روکا گیا اور بھرپور نشانہ بنایا گیا۔ فائرنگ کے تبادلے میں لانس حوالدار محمد عباس نے شہادت کا تمغہ سینے پر سجا لیا۔
آئی ایس پی آر کے مطابق دہشتگردوں کے زیراستعمال 4 گاڑیاں اور دیسی ساختہ بارودی مواد بھی موقع پر تباہ کر دیا گیا، شدید فائرنگ کے تبادلے میں لانس حوالدار محمد عباس نے جامِ شہادت نوش کیا، علاقے میں دہشت گردوں کی ممکنہ موجودگی کے پیش نظر کلیئرنس آپریشن جاری ہے،سیکیورٹی فورسز اور قانون نافذ کرنے والے اداروں کی دہشتگردی کیخلاف مہم پوری قوت سے جاری رہے گی، بیرونی سرپرستی میں دہشتگردی کے ناسور کے مکمل خاتمے تک کارروائیاں بلاتعطل جاری رہیں گی
