امریکا اور ایران کے درمیان طے پانے والی مفاہمتی یادداشت (MOU) کے حوالے سے ایک نئی پیش رفت سامنے آئی ہے۔ امریکی نائب صدر جے ڈی وینس نے دعویٰ کیا ہے کہ دونوں ممالک کے درمیان معاہدے پر باضابطہ تقریب سے قبل ہی ڈیجیٹل دستخط مکمل کیے جا چکے ہیں۔
امریکی نشریاتی ادارے کے پروگرام “گڈ مارننگ امریکہ” میں گفتگو کرتے ہوئے جے ڈی وینس نے کہا کہ امریکا اور ایران کے درمیان مفاہمتی یادداشت پر گزشتہ روز آن لائن یا “ڈیجیٹل” دستخط کیے گئے۔
وینس کے مطابق، “ہم نے کل ہی ڈیجیٹل طور پر معاہدے پر دستخط کر دیے تھے”، جبکہ معاہدے کی ایک رسمی اور علامتی دستخطی تقریب سوئٹزرلینڈ میں جمعہ کے روز منعقد ہونے کی توقع ہے۔
بعد ازاں ایک سینئر امریکی عہدیدار نے صحافیوں کو ٹیلی فونک بریفنگ میں بتایا کہ امریکی صدر Donald Trump اور نائب صدر JD Vance نے اتوار کے روز مفاہمتی یادداشت پر ڈیجیٹل دستخط کیے۔
امریکی عہدیدار کے مطابق ایرانی جانب سے دستخط Mohammad Bagher Ghalibaf نے کیے، جو ایران کی پارلیمنٹ کے اسپیکر اور مذاکراتی عمل میں اہم کردار ادا کرنے والی شخصیات میں شمار ہوتے ہیں۔
