سینیٹ اجلاس میں محمد اورنگزیب کا معاشی صورت حال پر جواب دیتے ہوئے کہا کہ کل اقتصادی سروے پیش کرنے کا جا رہا ہوں، بہت سے حقائق کل سامنے رکھے جائیں دیگر بھی مواقع آئیں گے۔
اُنہوں نے کہا کہ مشرق وسطیٰ کی صورتحال نے پوری دنیا کو متاثر کیا ہے، دعا گو ہیں پاکستان کی قیادت اس مسئلے کے حل میں کامیاب ہو، مجموعی طور پر پہلے تین ہفتوں میں 129 ارب کی سبسڈی دی گئی۔
محمد اورنگزیب کا کہنا تھا کہ سبسڈی دی گئی تو اس پر بڑی تنقید بھی سامنے آئی، سبسڈی کو کیٹرگرائز کرنے کے حوالے سے تنقید کا سامنا کرنا پڑا، پھر فیصلہ ہوا کہ اس سبسڈی کو ٹارگٹڈ کیا جائے۔
اُنہوں نے کہا کہ خطے کی صورتحال کے باعث تمام صوبائی حکومتوں نے بھی ساتھ دیا، خیبرپختونخوا حکومت نے بھی اس میں اپنا کردار ادا کیا۔
وزیر خزانہ کا کہنا تھا کہ وزیر اعلی کے پی کا شکریہ ادا کرتا ہوں آج ای اے سی میں بھی شریک ہوئے، صوبوں کا بار بار شکریہ ادا کر رہا ہوں کیونکہ یہ صوبائی حکومتوں کے بغیر ممکن نہیں تھا۔
محمد اورنگزیب نے کہا کہ ٹارگٹڈ سبسڈی کا سلسلہ اب بھی جاری ہے، خطے میں جاری کشیدگی ختم بھی ہو جائے تو اس کے اثرات اگلے سال تک بھی جائیں گے۔،ایف بی آر کے محصولات کے اہداف پورے ہوں یا نہیں اضافہ ہونا بہتری ہے۔
