وفاقی وزیر داخلہ سید محسن نقوی کرغزستان کے دورے سے وطن واپسی کے بعد اہم سفارتی مشن پر ایران پہنچ گئے، جہاں وہ ایرانی قیادت سے ملاقاتیں کریں گے۔
ذرائع کے مطابق وزیر داخلہ نے روانگی سے قبل شہبازشریف اور دیگر اعلیٰ حکام سے مشاورت کی، جس کے بعد انہیں تہران روانہ کیا گیا۔
اطلاعات کے مطابق محسن نقوی ایرانی سپریم لیڈر مجتبیٰ خامنائی کے لیے پاکستانی فیلڈ مارشل سید عاصم منیر کا خصوصی پیغام بھی پہنچائیں گے۔ ذرائع کا کہنا ہے کہ وزیراعظم شہباز شریف نے بھی وزیر داخلہ کو مذاکرات اور سفارتی رابطوں کے حوالے سے خصوصی ہدایات دی ہیں۔
ذرائع کے مطابق محسن نقوی کا دورۂ تہران خطے میں جاری کشیدگی میں کمی اور مختلف تنازعات کے حل کے لیے جاری سفارتی اور ثالثی کوششوں کا حصہ ہے۔ اس دوران علاقائی صورتحال، سلامتی کے امور اور باہمی تعاون کے مختلف پہلوؤں پر تبادلہ خیال کیا جائے گا۔
