امریکہ نے نیوزی لینڈ کو جدید بحری ہیلی کاپٹروں اور متعلقہ دفاعی سازوسامان کی تقریباً 1.5 ارب ڈالر مالیت کی فروخت کی منظوری دے دی ہے، جسے بحرالکاہل کے خطے میں دفاعی تعاون کے ایک اہم اقدام کے طور پر دیکھا جا رہا ہے۔
امریکی محکمہ خارجہ کے مطابق مجوزہ معاہدے کے تحت فراہم کیے جانے والے جدید بحری ہیلی کاپٹرز سمندری نگرانی، انسدادِ آبدوز آپریشنز، ساحلی دفاع، حساس تنصیبات کے تحفظ اور مختلف دفاعی مشنز میں استعمال کیے جائیں گے۔
یہ معاہدہ ایسے وقت میں سامنے آیا ہے جب نیوزی لینڈ اپنی دفاعی حکمتِ عملی کا ازسرِنو جائزہ لے رہا ہے اور آئندہ برسوں میں فوجی اخراجات میں نمایاں اضافے کی منصوبہ بندی کر چکا ہے۔ حکومتی منصوبوں کے مطابق دفاعی صلاحیتوں کو جدید تقاضوں سے ہم آہنگ بنانے کے لیے دفاعی بجٹ میں خاطر خواہ اضافہ کیا جائے گا۔
