انڈر 18 ہاکی ایشیا کپ میں پاکستان انڈر 18 ہاکی ٹیم نے شاندار کارکردگی دکھاتے ہوئے بنگلادیش کو 2 کے مقابلے میں 5 گول سے شکست دے کر سیمی فائنل کے لیے کوالیفائی کر لیا۔
میچ میں پاکستان کی جانب سے جارحانہ کھیل کا مظاہرہ کیا گیا۔ قومی ٹیم کے کھلاڑی Abdullah Awan نے دو گول اسکور کیے جبکہ Haider Isam، Muhammad Yahya اور Adeem نے ایک ایک گول کرکے ٹیم کی فتح میں اہم کردار ادا کیا۔
پاکستان نے میچ کے آغاز سے ہی بنگلادیش پر دباؤ برقرار رکھا اور اپنی برتری کو مؤثر انداز میں گولز میں تبدیل کیا۔
اب قومی ٹیم اتوار کو سیمی فائنل میں میدان میں اترے گی، جہاں اس کا مقابلہ میزبان جاپان یا روایتی حریف بھارت کی ٹیم سے ہو سکتا ہے۔ امکان ظاہر کیا جا رہا ہے کہ سیمی فائنل میں پاکستان اور بھارت کے درمیان دلچسپ مقابلہ دیکھنے کو مل سکتا ہے۔
