وفاقی دارالحکومت میں عید قرباں پر صفائی آپریشن ۔ ضلعی انتظامیہ نےپہلے روز کی تفصیلات جاری کر دیں ۔ دعویٰ کیا کہ صفائی آپریشن میں چورانوے فیصد شکایات کا فوری ازالہ کیا گیا ۔
ضلعی انتظامیہ کے مطابق عیدالاضحیٰ کے پہلے روز ایک لاکھ نو ہزار آٹھ سو پچپن جانوروں کی آلائشیں اٹھا کر ایک سو سینتیس خندقوں میں تلف کی گئیں۔ شہر بھر میں ایک ہزار آٹھ سو آٹھ ٹن آلائشیں اور کچرا ٹھکانے لگایا گیا ۔ آپریشن کے دوران پینسٹھ ہزار چھ سو چوہتر چھوٹے اور چوالیس ہزار ایک سو بیاسی بڑے جانوروں کی آلائشیں اٹھائی گئیں ۔
عید کےپہلےروز صفائی سےمتعلق دو سو ساٹھ شکایات موصول ہوئیں جن میں سے ڈھائی سو نمٹا دی گئیں ۔ اسلام آباد کے تمام بہتر اجتماعی قربانی پوائنٹس کو مکمل طورپر دھو کر جراثیم کش اسپرے کیا گیا ۔ عرقِ گلاب کا اسپرے کر کے ماحول کو خوشگوار اور صاف رکھا گیا ۔ دیہی علاقوں میں صفائی آپریشن کی نگرانی کیلئے تھرڈ پارٹی انسپیکشن کا خصوصی نظام متعارف ۔ عید کے پہلے دن تین سو چوبیس شکایات رپورٹ، تین سو دو حل کی گئیں ۔ تین بڑے پارکس کو ’’فیملی اونلی‘‘ قرار دینے کے فیصلے پر شہریوں نے ضلعی انتظامیہ کو مثبت فیڈ بیک دیا
