کرکٹ اسٹار وسیم اکرم کی دورانِ حج ایک ویڈیو سوشل میڈیا پر تیزی سے وائرل ہو رہی ہے، جس میں وہ رمیِ جمرات کے دوران بولنگ ایکشن کے انداز میں شیطان کو کنکریاں مارتے دکھائی دے رہے ہیں۔
وائرل ویڈیو میں دیکھا جا سکتا ہے کہ وسیم اکرم نہ صرف مخصوص بولنگ انداز اپناتے ہیں بلکہ کنکری مارنے کے بعد وکٹ لینے جیسا جشن بھی مناتے ہیں، جس پر سوشل میڈیا صارفین کی جانب سے ملا جلا ردعمل سامنے آیا ہے۔
کچھ صارفین نے اس عمل کو ہلکے پھلکے انداز میں لیا اور اسے سابق فاسٹ بولر کی کرکٹ سے وابستگی قرار دیا، جبکہ بعض افراد نے تنقید کرتے ہوئے کہا کہ حج جیسے مقدس موقع پر سنجیدگی اور احترام کو ملحوظ رکھنا چاہیے۔
رپورٹس کے مطابق مصباح الحق اور شرجیل خان نے بھی اس سال حج کی سعادت حاصل کی اور سعودی عرب میں موجود ہیں۔
