کرکٹ ویسٹ انڈیز نے پاکستان قومی کرکٹ ٹیم کے خلاف دو ٹیسٹ میچوں پر مشتمل سیریز کے شیڈول کا باضابطہ اعلان کر دیا ہے۔
پاکستان کرکٹ ٹیم جولائی میں ویسٹ انڈیز کا دورہ کرے گی، جہاں دونوں ٹیسٹ میچز ٹرینیڈاڈ اینڈ ٹوباگو میں کھیلے جائیں گے۔
پہلا ٹیسٹ میچ 25 سے 29 جولائی تک برائن لارا کرکٹ اکیڈمی میں کھیلا جائے گا، جبکہ دوسرا اور آخری ٹیسٹ 2 سے 6 اگست تک کوئنز پارک اوول میں منعقد ہوگا۔
یہ بھی ایک تاریخی موقع ہوگا کیونکہ برائن لارا کرکٹ اکیڈمی میں پہلی مرتبہ کسی ٹیسٹ میچ کی میزبانی کی جائے گی۔
