وزیر داخلہ کی سعودی ہم منصب سے ملاقات، ایف سی اسپیشل یونٹ کے اہلکاروں کی سعودیہ میں ٹریننگ کا فیصلہ

منیٰ: وزیر داخلہ محسن نقوی نے سعودی ہم منصب شہزادہ عبدالعزیز بن سعود سے ملاقات جس میں دو طرفہ تعلقات سمیت مشرق وسطیٰ کی موجودہ صورتحال پر بھی تبادلہ خیال کیا گیا۔

دونوں ممالک کے وزرائے داخلہ نے ایک دوسرے کو عید الاضحیٰ کی مبارکباد دی اور نیک خواہشات کا اظہار کیا۔

ملاقات کے اعلامیے کے مطابق سعودی وزیر داخلہ نے پاکستانی ہم منصب محسن نقوی کو حج کی مبارکباد دی، ملاقات میں پاک سعودیہ دوطرفہ تعلقات اور داخلی سکیورٹی پر تفصیلی تبادلہ خیال کیا گیا۔

ملاقات میں فیصلہ کیا گیا کہ فیڈرل کانسٹیبلری اسپیشل ڈپلومیٹک پروٹیکشن یونٹ کے 200 اہلکاروں کو سعودی عرب میں ٹریننگ دی جائے گی، دوطرفہ تعاون بڑھانے کے لیے سعودی وزارت داخلہ کا اعلیٰ سطح کا وفد جلدپاکستان کا دورہ کرےگا۔

اس موقع پر وزیر داخلہ محسن نقوی نے حج کے دوران سعودی حکومت کے بہترین انتظامات کی ستائش کی۔

ملاقات کے اعلامیے کے مطابق پاکستانی اور سعودی وزرائے داخلہ نے خطے کی تازہ ترین صورتحال پر بھی بات چیت کی، سعودی عرب کے وزیر داخلہ نے کشیدگی میں کمی کے لیے پاکستان کے مثبت کردار کو سراہا