ایف آئی ایچ پرو ہاکی لیگ کیلئے 35 کھلاڑی شارٹ لسٹ، قومی ٹیم کے فائنل ٹرائلز 19 اور 20 مئی کو ہوں گے
پاکستان ہاکی ٹیم کے ممکنہ اسکواڈ میں گول کیپرز، ڈیفنڈرز اور اسٹرائیکرز کے نام شامل، حتمی ٹیم کا اعلان ٹرائلز کے بعد کیا جائے گا
Pakistan Hockey Federation نے FIH Pro League کیلئے 35 ممکنہ کھلاڑیوں کے ناموں کا اعلان کر دیا ہے۔
پاکستان ہاکی ٹیم کے حتمی انتخاب کیلئے 19 اور 20 مئی کو فائنل ٹرائلز منعقد کیے جائیں گے، جس کے بعد قومی اسکواڈ کا باضابطہ اعلان کیا جائے گا۔
شارٹ لسٹ کیے گئے گول کیپرز میں منیب الرحمان، علی رضا، فیضان جنجوعہ اور وقار شامل ہیں۔
ڈیفنڈرز کے شعبے میں سفیان خان، محمد عبداللہ، ارشد لیاقت، عماد شکیل بٹ، معین شکیل، حماد انجم، ندیم خان، علی حمزہ، عمر مصطفیٰ، ابوبکر، عبدالمنان، ارباز، محمد احسن ندیم، محمد عماد اور رانا ولید کو شامل کیا گیا ہے۔
اسی طرح اسٹرائیکرز کی فہرست میں احمد ندیم، غضنفر، افراز خان، ذکریا حیات، رانا وحید، عبدالرحمان، حنان شاہد، عدیل لطیف، بشارت علی، علی مرتضیٰ، عمیر ستار، بلال، ابوذر، عبداللہ یوسف، حمزہ فیاض اور عبدالوہاب شامل ہیں۔
کھلاڑیوں کے انتخاب کے عمل کے دوران سلیکشن کمیٹی کے چیئرمین Samiullah Khan سمیت اولمپیئن نعیم اختر، ناصر علی، منظور الحسن، کاشف جواد اور ڈاکٹر عاطف بشیر بھی موجود تھے۔
ذرائع کے مطابق ٹرائلز میں کھلاڑیوں کی فٹنس، مہارت اور بین الاقوامی معیار کے مطابق کارکردگی کا تفصیلی جائزہ لیا جائے گا تاکہ پرو لیگ کیلئے مضبوط قومی ٹیم تشکیل دی جا سکے۔
