متحدہ عرب امارات نے اسرائیلی وزیر اعظم نیتن یاہو کے مبینہ خفیہ دورۂ امارات کی خبروں کو مسترد کرتے ہوئے انہیں بے بنیاد قرار دے دیا ہے۔
اماراتی وزارت خارجہ کی جانب سے جاری بیان میں کہا گیا ہے کہ غیر اعلانیہ دوروں سے متعلق دعوے درست نہیں ہیں اور متحدہ عرب امارات کے Israel کے ساتھ تعلقات کسی رازداری پر مبنی نہیں۔
وزارت خارجہ کے مطابق یو اے ای اور اسرائیل کے تعلقات واضح اور اعلانیہ طور پر Abraham Accords کے تحت قائم ہیں، اس لیے خفیہ سفارتی روابط یا غیر اعلانیہ دوروں سے متعلق اطلاعات حقیقت پر مبنی نہیں۔
بیان میں مزید کہا گیا کہ دونوں ممالک کے درمیان تعلقات کھلے سفارتی اصولوں کے مطابق چل رہے ہیں اور اس حوالے سے پھیلائی جانے والی قیاس آرائیاں گمراہ کن ہیں۔
اس سے قبل اسرائیلی وزیراعظم آفس نے دعویٰ کیا تھا کہ Benjamin Netanyahu نے ایران کے ساتھ جنگ کے دوران خفیہ طور پر متحدہ عرب امارات کا دورہ کیا تھا، جہاں انہوں نے اماراتی صدر Mohamed bin Zayed Al Nahyan سے ملاقات کی۔
اسرائیلی وزیراعظم آفس نے یہ دعویٰ بھی کیا تھا کہ اس دورے سے دونوں ممالک کے تعلقات میں “تاریخی پیش رفت” ہوئی ہے۔
تجزیہ کاروں کے مطابق اماراتی تردید خطے میں جاری کشیدگی اور ایران اسرائیل تنازع کے تناظر میں سفارتی حساسیت کو ظاہر کرتی ہے، جبکہ خلیجی ممالک اس وقت خطے میں استحکام برقرار رکھنے کیلئے محتاط سفارتی حکمت عملی اختیار کیے ہوئے ہیں۔
