صوبائی دارالحکومت میں مزدوروں کو فلیٹس تقسیم کرنے کی تقریب سے خطاب کرتے ہوئے مریم نواز کا کہنا تھا کہ مزدوروں کو گھر ملنے پر مبارکباد دیتی ہوں۔
اُنہوں نے کہا کہ اپنا گھر بہت بڑی نعمت ہوتی ہے، مہنگائی،مشکلات کےدورمیں مکان بنانا مشکل کام ہے، غریب مزدوروں کو گھر کی فراہمی پرانتہائی خوشی ہے۔
وزیراعلیٰ پنجاب نے کہا کہ ہررہائشی فلیٹ کی تعمیر پر35لاکھ روپے لاگت آئی ہے، مستحق مزدوروں کورہائشی فلیٹس مفت فراہم کیےجا رہے ہیں۔
مریم نوازکا کہنا تھا کہ پہلے مرحلے میں 720 رہائشی فلیٹس دیے جا رہے ہیں، ٹیکسلا میں 500 گھر تکمیل کےقریب ہیں، اپنی چھت اپنا گھر پروگرام کےتحت ایک لاکھ گھر مکمل ہو چکے ہیں۔
اُنہوں نے کہا کہ جن لوگوں کے پاس زمین نہیں، مفت فراہم کریں گے، پندرہ لاکھ محنت کشوں کوراشن کارڈ دیا ہے، غریب اوردرمیانےطبقے کو اپنی چھت فراہم کرنا ترجیح ہے، ستھرا پنجاب منصوبہ دنیا بھرمیں بطورماڈل پیش کیا جارہا ہے۔
مریم نواز کا کہنا تھا کہ ستھرا پنجاب کا دائرہ کار پورے صوبےتک پھیلایا گیا، اس ہفتےآذربائیجان کا دورہ کروں گی۔
