ایران نے امریکا کی جانب سے جنگ کے خاتمے کے لیے پیش کی گئی تجاویز کو مسترد کرتے ہوئے کہا ہے کہ یہ مطالبات صدر ڈونلڈ ٹرمپ کی شرائط کے سامنے ہتھیار ڈالنے کے مترادف تھے۔
ایرانی سرکاری میڈیا کے مطابق تہران کی جانب سے بھیجی گئی تجاویز میں امریکا پر جنگی نقصانات کے معاوضے کی ادائیگی پر زور دیا گیا ہے۔
رپورٹس میں کہا گیا ہے کہ ایرانی مؤقف میں آبنائے ہرمز پر ایران کی خودمختاری کو بھی بنیادی نکتہ قرار دیا گیا ہے۔
اس سے قبل ڈونلڈ ٹرمپ نے ایران کے جواب کو مسترد کرتے ہوئے کہا تھا کہ تہران کی جانب سے دیا گیا ردعمل “قابلِ قبول نہیں”۔
امریکی اور ایرانی حکام کے درمیان حالیہ سفارتی کشیدگی ایسے وقت میں سامنے آئی ہے جب خطے میں جنگ بندی، پابندیوں کے خاتمے اور سمندری راستوں کے تحفظ سے متعلق مذاکرات جاری ہیں۔
