معرکہ حق کی مناسبت سے گوجرانوالہ گیریژن میں یادگار شہداء پر پروقار تقریب کا انعقاد کیا گیا۔
کمانڈر گوجرانوالہ کور نے معرکہ حق کے شہداء کو خراجِ عقیدت پیش کرنے کے لیے یادگارِ شہداء پر پھولوں کی چادر چڑھائی اور فاتحہ خوانی کی۔ تقریب میں پاک فوج کے چاک و چوبند دستے نے سلامی پیش کی۔
اس موقع پر وطنِ عزیز کے دفاع میں جانوں کا نذرانہ پیش کرنے والے شہداء کے درجات کی بلندی، ملکی سلامتی، استحکام اور خوشحالی کے لیے خصوصی دعائیں کی گئیں۔
واضح رہے کہ گزشتہ روز معرکہ حق کو ایک سال مکمل ہونے پر ملک بھر میں ریلیوں اور جلسوں کا انعقاد کیا گیا۔ عوام کی جانب سے پاک فوج کو زبردست خراج تحسین پیش کیا گیا۔’’بنیان مرصوص معرکہ حق‘‘ ریلیوں میں عوام کی بڑی تعداد نے شرکت کیں، پاکستان زندہ باد کے نعرےبھی لگائے۔
