حکومت پہلے بھی مذاکرات کے لیے تیار تھی اب بھی تیارہے،طارق فضل چوہدری

وفاقی وزیر ڈاکٹر طارق فضل چوہدری کا کہنا ہے کہ حکومت پہلے بھی مذاکرات کے لیے تیار تھی اب بھی تیارہے، وزیراعظم ہاؤس اور وزیراعظم چیمبر اپوزیشن لیڈر کیلئے کھلے ہیں۔

پارلیمنٹ ہاؤس میں صحافیوں سےگفتگو میں طارق فضل چوہدری نے کہا کہ وزیراعظم کو اپوزیشن لیڈر کے چیمبر بھی جانا پڑا تو وزیراعظم جائیں گے، اپوزیشن لیڈر محمود اچکزئی ایک سنجیدہ اور سینئر سیاستدان ہیں، اپوزیشن کو سنجیدہ حکمت عملی اپنانا ہوگی آپشنز کھلے ہیں۔

طارق فضل چوہدری نے کہا کہ اپوزیشن لیڈر نے افہام و تفہیم کی بات کی ہے، رانا ثناء اللہ کوشش کر رہے ہیں کہ وزیراعظم اور اپوزیشن لیڈر کی ملاقات ہوسکے۔

ان کا مزید کہنا تھ کہ خطے کی صورتحال اور پاکستان کی مصروفیات کےباعث پہلےملاقات نہیں ہوسکی، اپوزیشن لیڈر آئینی تقرریوں پر مشاورت کریں گے تو امید ہے بات ہو جائے گی۔