کراچی میں بارش کا 41 سالہ ریکارڈ ٹوٹ گیا

کراچی میں اپریل کے مہینے میں بارش کا41 سالہ ریکارڈ ٹوٹ گیا۔

کراچی میں اپریل کے مہینے میں 24 گھنٹوں کے دوران ہونے والی بارش کا نیا ریکارڈ قائم ہوگیا۔ محکمہ موسمیات کے مطابق شہر میں 38.6 ملی میٹر بارش ہوئی جس کے سبب ماضی کا ریکارڈ ٹوٹ گیا۔

محکمہ موسمیات کے مطابق حالیہ بارش نے چار دہائیوں پرانا ریکارڈ توڑدیا، شہر میں غیرمعمولی موسمی صورتحال دیکھی گئی۔ واضح رہے کہ 1985 میں کراچی میں 24 گھنٹوں کے دوران 37.0 ملی میٹر بارش ہوئی تھی۔