پی ایس جی نے پنالٹی شوٹ آؤٹ پر آرسنل کو شکست دے کر مسلسل دوسری بار یوئیفا چیمپیئنز لیگ کا ٹائٹل جیت لیا

یورپی فٹبال کے سب سے بڑے کلب ٹورنامنٹ یوئیفا چیمپیئنز لیگ کے سنسنی خیز فائنل میں Paris Saint-Germain نے Arsenal FC کو پنالٹی شوٹ آؤٹ میں شکست دے کر مسلسل دوسری مرتبہ ٹائٹل اپنے نام کر لیا۔

فائنل مقابلہ انتہائی دلچسپ اور سنسنی خیز ثابت ہوا جہاں مقررہ 90 منٹ اور اضافی وقت کے اختتام تک دونوں ٹیمیں 1-1 گول سے برابر رہیں، جس کے بعد میچ کا فیصلہ پنالٹی شوٹ آؤٹ پر ہوا۔

میچ کا آغاز آرسنل کے لیے شاندار رہا اور کھیل کے صرف چھٹے منٹ میں لوکاس ہاروٹز نے گول کرکے اپنی ٹیم کو برتری دلادی۔ ابتدائی گول کے بعد آرسنل نے دفاعی انداز اپناتے ہوئے برتری برقرار رکھنے کی کوشش کی، تاہم پی ایس جی نے مسلسل حملے جاری رکھے۔

دوسرے ہاف میں پیرس سینٹ جرمین کے اسٹار فارورڈ عثمان ڈیبیلے نے شاندار گول اسکور کرکے مقابلہ 1-1 سے برابر کردیا۔ اس گول کے بعد دونوں ٹیموں نے جیت کے لیے بھرپور کوشش کی لیکن مقررہ وقت میں کوئی مزید گول نہ ہوسکا۔

میچ اضافی وقت میں داخل ہوا جہاں دونوں جانب سے کئی مواقع بنے، تاہم کوئی بھی ٹیم فیصلہ کن گول کرنے میں کامیاب نہ ہوسکی۔ یوں مقابلہ پنالٹی شوٹ آؤٹ تک جا پہنچا۔

پنالٹی شوٹ آؤٹ میں پی ایس جی کے کھلاڑیوں نے اعصاب پر قابو رکھتے ہوئے عمدہ کارکردگی کا مظاہرہ کیا اور 3-4 سے کامیابی حاصل کرلی۔ دوسری جانب آرسنل کے چند اہم کھلاڑی اپنے مواقع ضائع کر بیٹھے جس کا خمیازہ ٹیم کو شکست کی صورت میں بھگتنا پڑا۔

اس فتح کے ساتھ پیرس سینٹ جرمین نے یوئیفا چیمپیئنز لیگ کا ٹائٹل مسلسل دوسری مرتبہ جیتنے کا اعزاز حاصل کر لیا۔ گزشتہ سیزن میں بھی فرانسیسی کلب نے فائنل میں Inter Milan کو شکست دے کر یورپ کا سب سے بڑا کلب اعزاز اپنے نام کیا تھا۔