ڈپٹی کمشنر پشاور نے جنگلاتی علاقوں میں آگ لگانے والی سرگرمیوں پر پابندی عائد کر دی، حسن خیل فاریسٹ رینج اور ضلع پشاور میں جھاڑیوں، گھاس اور زرعی باقیات جلانے پر پابندی ہو گی۔
جنگلاتی علاقوں میں پکنک کے دوران آگ جلانے اور فائر ایکٹویٹیز پر بھی پابندی عائد کر دی گئی، خشک موسم اور بڑھتے درجہ حرارت کے باعث جنگلاتی آگ کے خدشات میں اضافہ ہو گیا۔
اعلامیہ کے مطابق دفعہ 144 کے تحت جنگلات، جنگلی حیات اور ماحولیات کے تحفظ کے لیے اقدامات سخت کر دیئے گئے، خلاف ورزی کرنے والوں کے خلاف دفعہ 188 پی پی سی کے تحت کارروائی ہوگی۔
پابندی کا اطلاق فوری طور پر نافذ ہو گا اور آئندہ احکامات تک برقرار رہے گا۔
ڈی سی پشاور کےم طابق جنگلاتی آگ سے عوامی املاک، حیاتیاتی تنوع اور قریبی آبادیوں کو خطرات لاحق ہیں، انہوں نے متعلقہ اداروں اور پولیس کو پابندی پر سختی سے عملدرآمد یقینی بنانے کی ہدایت کی۔
