ملالہ یوسفزئی نے لندن میں ورلڈ ایجوکیشن فورم میں خطاب کے بعد میڈیا سے گفتگو میں کہا کہ ترقی کے سفر میں خواتین کا کردار نہایت اہم ہے۔
ملالہ نے کانفرنس میں فلسطین،لبنان اور افغانستان میں لڑکیوں کی تعلیم کی صورتحال پر بھی گفتگو کی۔
ان کا کہنا تھا کہ فلسطینی طالبات اپنے مسائل کو سمجھتی ہیں، ان کے پاس ان کے حل بھی موجود ہیں، افغانستان میں لڑکیاں چُھپ کر تعلیم حاصل کرنے کی کوشش کر رہی ہیں۔
ملالہ نے طلبہ کے ساتھ ایک گول میز اجلاس میں بھی شرکت کی اور کوئز مقابلے میں حصہ بھی لیا، کانفرنس میں پنجاب اور کے پی کے وزرائے تعلیم بھی شریک تھے۔
اس موقع پر انہوں نے کہا کہ پاکستان کے روشن مستقبل کے لیے بہت پُرامید ہوں، نوجوان جدید علوم کے ذریعے وطن کی ترقی کے لیے پُرجوش انداز میں کام کر رہے ہیں۔
