وفاقی وزیر صحت مصطفیٰ کمال نے ورلڈ بنک کے نمائندوں سے ملاقات کی، ملاقات میں پاکستان کے صحت کے شعبے پر تفصیلی بات چیت کی گئی۔
ترجمان وزارت صحت کے مطابق وفاقی وزیرِ صحت نے ہیلتھ کے شعبے جاری اصلاحات اور اقدام بارے میں ورلڈ بینک کو بتایا جس پر ورلڈ بینک کے نمایندوں نے پاکستان کے نیشنل ہیلتھ سپورٹ پروگرام کو سراہا۔
ترجمان وزارت صحت کے مطابق ورلڈ بینک کے نمائندوں نے پاکستان میں ویکسین کی مقامی تیاری کے عمل کو سراہا علاوہ ازیں انہوں نے کہا صحت سے متعلق پالیسیوں، منصوبوں اور مستقبل کے وژن کے ساتھ مکمل طور پر ہم آہنگ ہیں، ورلڈ بنک پاکستان میں ویکسین کی پروڈکشن کیلیے مدد کرنے کو تیار ہے۔
ورلڈ بینک نے پرائمری ہیلتھ کیئر کو بہتر بنانے اور ٹیلی میڈیسن کے فروغ کے لیے تعاون کرنے کی بھی یقین دہانی کرائی ہے۔
وفاقی وزیر صحٹ مصطفی کمال نے تمام کاوشوں کے لیے ورلڈ بینک کے تعاون کو سراہا، انہوں نے کہا کہ حکومت صحت کے شعبے میں بہتری کے لیے عالمی اداروں کے ساتھ مل کر کام کرے گا۔
