متحدہ عرب امارات نے خطے میں بڑھتی ہوئی کشیدگی کے پیش نظر اپنے شہریوں کے لیے ایران، لبنان اور عراق کے سفر پر پابندی عائد کر دی ہے۔
اماراتی وزارت خارجہ کی جانب سے جاری بیان میں کہا گیا ہے کہ ان ممالک میں موجود یا سفر کرنے والے شہریوں کو فوری طور پر وطن واپس آنے کی ہدایت کی گئی ہے۔
حکام کے مطابق یہ فیصلہ خطے کی موجودہ سکیورٹی صورتحال اور حالیہ علاقائی پیش رفت کے تناظر میں ایک احتیاطی اقدام کے طور پر کیا گیا ہے۔
بیان میں شہریوں پر زور دیا گیا ہے کہ وہ حکومتی ہدایات پر سختی سے عمل کریں اور اپنی حفاظت کو اولین ترجیح دیں۔ مزید کہا گیا کہ ایران، لبنان اور عراق میں موجود اماراتی شہری جلد از جلد ان ممالک کو چھوڑ دیں اور کسی بھی ہنگامی صورتحال میں وزارت خارجہ سے رابطہ کریں۔
