فیفا ورلڈ کپ 2026 کے دوران گھانا کی قومی فٹبال ٹیم کو بڑا جھٹکا اس وقت لگا جب ٹیم کے تجربہ کار مڈفیلڈر تھامس پارٹے کو کینیڈا میں داخلے کی اجازت نہیں دی گئی، جس کے نتیجے میں وہ اپنے ملک کے پہلے ورلڈ کپ میچ میں شرکت نہیں کر سکیں گے۔
میڈیا رپورٹس کے مطابق گھانا کے 32 سالہ مڈفیلڈر Thomas Partey کے خلاف برطانیہ میں جنسی زیادتی سے متعلق مقدمات زیر سماعت ہیں۔ لندن پولیس کی جانب سے 2025 میں ان پر فردِ جرم عائد کی گئی تھی، جس کے بعد ان کے قانونی معاملات بدستور جاری ہیں۔
رپورٹس کے مطابق گھانا کا پہلا میچ کینیڈا کے شہر Toronto میں پاناما کے خلاف شیڈول ہے، تاہم کینیڈین امیگریشن حکام نے پارٹے کو ملک میں داخلے کی اجازت نہیں دی۔ کینیڈا کے امیگریشن قوانین کے تحت بعض مجرمانہ الزامات یا زیر سماعت مقدمات رکھنے والے افراد کے داخلے پر پابندی عائد کی جا سکتی ہے۔
ادھر FIFA نے تصدیق کی ہے کہ تھامس پارٹے کو کینیڈا میں داخلے سے روکا گیا ہے، تاہم عالمی فٹبال تنظیم نے واضح کیا کہ ویزا اور امیگریشن سے متعلق فیصلے میزبان ممالک کی حکومتوں کے اختیار میں ہوتے ہیں اور فیفا ان معاملات میں مداخلت نہیں کرتا۔
