فتنہ الخوارج کا افغان سرغنہ خارجی بصیر سیکیورٹی فورسز کے ساتھ مقابلے میں ہلاک ہوگیا۔
سیکیورٹی فورسز نے سارانان کے علاقے ارجم کلی میں کامیاب آپریشن میں خارجی بصیر کو ہلاک کیا۔ خفیہ معلومات کی بنیاد پر خارجی کمانڈر کے افغان ساتھی کو گرفتار کر لیا گیا۔
مارا جانے والا بصیر خارجی کمانڈر نوراللہ کا بیٹا تھا ۔ وہ سیکیورٹی فورسز پر متعدد حملوں کا منصوبہ ساز رہا ۔ خارجی بصیر شعبان کےعلاقے میں دراندازی کی کوششوں کا آپریشنل کمانڈر بھی تھا۔
رواں سال 22 فروری کو خارجی بصیر کے زیرنگرانی کام کرنے والے 5 خودکش بمباروں کو پشین میں جہنم واصل کیا گیا۔ خارجی بصیر کی ہلاکت کو سیکیورٹی فورسز کی دہشت گردوں کیخلاف بڑی کامیابی قرار دیا گیا ۔ آپریشن عزم استحکام کے تحت فتنہ الخوارج اور فتنہ الہندوستان کیخلاف آپریشن کامیابی سے جاری ہے۔
