سینیٹ کی قائمہ کمیٹی برائے کابینہ سیکریٹریٹ نے چیئرمین پاکستان کرکٹ بورڈ کو طلب کر لیا ہے، پاکستان سپر لیگ فرنچائزز کے مالی اعداد و شمار پر مبنی رپورٹ پیش کرنے اور دہری شہریت کے حامل افسران کےحوالے سے تمام تفصیلات بھی طلب کر لی گئیں۔
سینیٹ کی قائمہ کمیٹی برائے کابینہ سیکریٹریٹ نے پی سی بی کےسینئرحکام کے گزشتہ تین برس میں غیر ملکی دوروں کے اخراجات کی تفصیلات مانگ لیں۔ قومی کرکٹ ٹیم کی کارکردگی میں بہتری کے لیےبورڈ کے اقدامات اور دہری شہریت کے حامل افسران کےحوالے سے تمام تفصیلات بھی طلب کر لی گئیں۔۔ سرکاری افسران کی ترقی کیلئے قائم ہائی پاورڈ سلیکشن بورڈ کے آئندہ اجلاس کی تفصیلات پیش کرنےکا حکم بھی دیا گیا ہے۔ مینجمنٹ پےاسکیل کےتحت بھرتی افسران کی تنخواہوں اور مراعات کےحوالےسےوزارت خزانہ اور اسٹیبلشمنٹ ڈویژن سے رپورٹ مانگ لی گئی۔۔ قائمہ کمیٹی اجلاس میں دو حکومتی اور ایک نجی ممبر بل بھی زیر غور آئے گا۔۔ سینیٹ قائمہ کمیٹی کا اگلا اجلاس دس جون کو ہوگا۔
