حزب اللہ کے رہنما نعیم قاسم نے واضح طور پر کہا ہے کہ اسرائیل کے ساتھ براہِ راست مذاکرات کسی صورت قبول نہیں کیے جائیں گے۔ ان کا مؤقف ہے کہ ایسے مذاکرات صرف اسرائیل کے مفاد میں جاتے ہیں۔
انہوں نے مطالبہ کیا کہ ایران اور امریکا کے درمیان ممکنہ معاہدے میں لبنان کو بھی شامل کیا جانا چاہیے، کیونکہ لبنان خطے کی کشیدگی سے براہِ راست متاثر ہے۔
نعیم قاسم کے مطابق ایران اور امریکا کے درمیان جلد ممکنہ معاہدہ مکمل ہو سکتا ہے، جس کے نتیجے میں خطے میں مکمل جنگ بندی کی امید پیدا کی جا رہی ہے۔
انہوں نے لبنانی حکومت پر زور دیا کہ وہ اسرائیل کے ساتھ براہِ راست مذاکرات فوری طور پر ترک کرے اور تمام داخلی مسائل داخلی سطح پر حل کرے۔
حزب اللہ رہنما نے مزید کہا کہ تنظیم کو غیر مسلح کرنا “تباہی کے مترادف” ہوگا، کیونکہ ان کے مطابق اسلحہ لبنان کے دفاع اور اسرائیلی خطرات کے مقابلے کے لیے بنیادی قوت ہے۔
