برطانیہ میں ہونے والے بلدیاتی انتخابات میں حکمران Labour Party کو بھاری سیاسی نقصان کا سامنا کرنا پڑا ہے، جبکہ Reform UK نے 1350 سے زائد نشستیں حاصل کر کے پہلی پوزیشن حاصل کر لی۔
انتخابی نتائج کے مطابق لیبر پارٹی 868 نشستوں کے ساتھ دوسرے نمبر پر رہی، جبکہ ریفارم یوکے نے شمالی انگلینڈ سمیت کئی اہم علاقوں میں نمایاں کامیابیاں حاصل کیں۔
Hartlepool میں ریفارم یوکے نے تمام 12 نشستیں جیت لیں، جبکہ Halton میں بھی پارٹی نے 15 نشستوں پر کامیابی حاصل کی۔
اسی طرح Wigan میں لیبر پارٹی کو 20 نشستوں کا نقصان اٹھانا پڑا جبکہ ریفارم یوکے 23 نشستیں جیتنے میں کامیاب رہی۔
میڈیا رپورٹس کے مطابق لیبر پارٹی کے کئی مضبوط سیاسی گڑھ بھی ریفارم یوکے کے قبضے میں چلے گئے ہیں، جس کے بعد وزیرِاعظم Keir Starmer کی قیادت پر سوالات مزید بڑھ گئے ہیں۔
سیاسی رہنما Jonathan Brash نے بھی کیئر اسٹارمر سے استعفے کا مطالبہ کر دیا ہے۔
دوسری جانب Liberal Democrats نے Stockport Council پر اپنا کنٹرول برقرار رکھا ہے۔
سیاسی مبصرین کے مطابق ان نتائج کے بعد ریفارم یوکے برطانیہ کی سیاست میں ایک مؤثر اور مضبوط سیاسی قوت بن کر ابھر رہی ہے۔
