ایرانی سپریم لیڈر مجتبیٰ خامنہ ای نے حج کے موقع پر اپنے پیغام میں کہا ہے کہ امریکہ کو خطے میں مزید فوجی اڈے قائم کرنے کا موقع نہیں ملے گا، اور مستقبل “امت مسلمہ اور نئی اسلامی تہذیب” کا ہے۔
اپنے بیان میں انہوں نے کہا کہ “اللہ اکبر” کا نعرہ وہ فکری اور نظریاتی قوت ہے جس نے امت مسلمہ اور مزاحمتی محاذ کے نوجوانوں کے درمیان تعلقات کو مضبوط کیا ہے۔
انہوں نے دعویٰ کیا کہ یہ اتحاد ایران سے لے کر لبنان، فلسطین، عراق اور شام تک پھیلا ہوا ہے، جبکہ افریقا، یمن، پاکستان اور دیگر آزاد قومیں بھی اس فکری اور سیاسی اتحاد کا حصہ ہیں۔
مجتبیٰ خامنہ ای کے مطابق امریکا خطے میں اپنی سابقہ پوزیشن سے بتدریج پیچھے ہٹ رہا ہے، اور یہ تبدیلی روز بروز زیادہ واضح ہوتی جا رہی ہے۔
یہ بیان ایسے وقت میں سامنے آیا ہے جب مشرق وسطیٰ میں جغرافیائی سیاسی کشیدگی، عسکری تناؤ اور سفارتی مذاکرات عالمی توجہ کا مرکز بنے ہوئے ہیں۔
